Dr Naresh
kya kahun un ki nigah-e-fitna-za kya kah ga.i
lab tak aate aate dil ki baat dil men rah ga.i
tab-e-nazzara thi kis ko jab vo aa.e be-naqab
diid ki ek ek rut to dil men ghuT kar rah ga.i
kaT ga.i shab rote rote intizar-e-yar men
aarzu ek ek dil ki ashk ban kar bah ga.i
aap se lab par shikayat bhi kabhi aa.i kaho
go miri jan-e-hazin sadme hazaron sah ga.i
sar gaya to kya hua ham miT ga.e to kya ‘naresh’
aabru to kucha-e-qatil men apni rah ga.i
Leave a Reply