Poet
ye vo naale hain jo lab tak a.enge
tum to kya ho asman hil ja.enge
ishq men ik pir-e-derina huun main
mujh ko naseh aa ke kya samjha.enge
hazrat-e-dil sochte hain aaj kuchh
phir bala koi muqarrar la.enge
is tavaqqo.a par uThate hain sitam
kuchh to samjhenge kabhi sharma.enge
phenk denge dil ko pahlu chiir kar
aap dekhen kis tarah le ja.enge
hal-e-dil kahte hain jo kuchh ho sau ho
dekhiye vo aaj kya farma.enge
phir na chaukenge qayamat tak ‘nasim’
paanv jis din qabr men phaila.enge
Leave a Reply