kaifi-azmi

Kya Jaane Kis Ki Pyas Bujhane Kidhar Gain

kya jaane kis ki pyaas bujhane kidhar gaiin

is sar pe jhuum ke jo ghataen guzar gaiin

divana puchhta hai ye lahron se baar baar

kuchh bastiyan yahan thiin batao kidhar gaiin

ab jis taraf se chahe guzar jaae karvan

viraniyan to sab mire dil men utar gaiin

paimana tutne ka koi gham nahin mujhe

gham hai to ye ki chandni raten bikhar gaiin

paaya bhi un ko kho bhi diya chup bhi ho rahe

ik mukhtasar si raat men sadiyan guzar gaiin

More Poems

Leave a Comment