Kya Hasil Is Baat Se Ab Hum Kaise Hain

kyā hāsil is baat se ab ham kaise haiñ

tum ne jaisā chhoḌā thā bas vaise haiñ

sochā thā ham tujh bin mar-khap jā.eñge

qismat dekho ab bhī achchhe-ḳhāse haiñ

bhañvre pyaas bujhāte haiñ tujh hoñToñ se

lekin tere chāhne vaale pyāse haiñ

maiñ ne sochā mujh se bhī koī pyaar kare

dil ne pūchhā jeb meñ terī paise haiñ

terī diid se merī āñkheñ raushan thiiñ

kab se nainā terī diid ke pyāse haiñ

Leave a Comment