Fani Badayuni
kya chhupate kisi se haal apna
ji hi jab ho gaya niDhal apna
ham hain us ke ḳhayal ki tasvir
jis ki tasvir hai ḳhayal apna
vo bhi ab gham ko gham samajhte hain
duur pahuncha magar malal apna
tu ne rakh li gunahgar ki sharm
kaam aaya na infi.al apna
dekh dil ki zamin larazti hai
yad-e-janan qadam sambhal apna
ba-ḳhabar hain vo sab ki halat se
laao ham puchh len na haal apna
maut bhi to na mil saki ‘fani’
kis se puura hua saval apna
Leave a Reply