kya bata.un mujhe kya lagta hai
har-nafas tir-e-jafa lagta hai
huun vo ḳhuddar kisi se kya kahun
saans lena bhi bura lagta hai
phalte dekhi hai kahin shaḳh-e-sitam
mere kahne ka bura lagta hai
hadse bhi hain baḌe kaam ki chiiz
dost dushman ka pata lagta hai
mera sar to kahin jhukta hi nahin
tera naqsh-e-kaf-e-pa lagta hai
kya kahun halat-e-dil ai ‘jarrar’
dard kuchh aur siva lagta hai
Leave a Reply