Kuchh Tujhko Khabar Hai Hum Kya Kya Ai Shorish-E-Dauran Bhul Gae

kuchh tujh ko khabar hai ham kya kya ai shorish-e-dauran bhuul gae

vo zulf-e-pareshan bhuul gae vo dida-e-giryan bhuul gae

ai shauq-e-nazara kya kahiye nazron men koi surat hi nahin

ai zauq-e-tasavvur kya kiije ham surat-e-janan bhuul gae

ab gul se nazar milti hi nahin ab dil ki kali khilti hi nahin

ai fasl-e-baharan rukhsat ho ham lutf-e-baharan bhuul gae

sab ka to mudava kar Daala apna hi mudava kar na sake

sab ke to gareban si Daale apna hi gareban bhuul gae

ye apni vafa ka aalam hai ab un ki jafa ko kya kahiye

ik nishtar zahr-agin rakh kar nazdik-e-rag-e-jan bhuul gae

Leave a Comment