kuchh is tarah gham-e-ulfat ki ka.enat luTi
miri zaban se nikli har ek baat luTi
qaza zarur thi aani magar zahe taqdir
jahan men husn ke hathon miri hayat luTi
ḳhabar hui kisi mad.hosh-e-aish ko na zara
hamari bazm-e-tamanna tamam raat luTi
tabah-e-ishq hain bulbul chakor parvana
rah-e-jahan men na sirf aadmi ki zaat luTi
na jaam hai na surahi hai dekh ai saaqi
mire na hone se bazm-e-takallufat luTi
mujhe to luuT liya ‘ashk’ ranj-o-gham ne magar
miri kisi se na bazm-e-taḳhaiyyulat luTi
Leave a Reply