kuchh fasla nahin hai adu aur shikast men
lekin koi suragh nahin hai giraft men
kuchh daḳhl iḳhtiyar ko ho bud-o-hast men
sar kar luun ye jahan-e-alam ek jast men
ab vadi-e-badan men koi bolta nahin
sunta huun aap apni sada baz-gasht men
ruḳh hai mire safar ka alag teri samt aur
ik su-e-murgh-zar chale ek dasht men
kis shaah ka guzar hai ki mafluj jism-o-jan
ji jaan se juTe hue hain band-o-bast men
ye puchh aa ke kaun nasibon jiya hai dil
mat dekh ye ki kaun sitara hai baḳht men
kis soz ki kasak hai nigahon ke aas paas
kis ḳhvab ki shikast umaD aa.i hai tasht men
Leave a Reply