Wali Aasi
kuchh din tira ḳhayal tiri aarzu rahi
phir saari umr apni hamen justuju rahi
kya kya na ḳhvab jagti ankhon men the magar
ai dil ki lahr raat kahan jaane tu rahi
jaao phir un ko ja ke samundar men phenk do
ab sachche motiyon ki kahan aabru rahi
muḌ muḌ ke baar baar pukara use magar
avaz-e-bazgasht hi bas chaar su rahi
halke se ik sukut ke parde ke bavajud
us kam-suḳhan se raat baḌi guftugu rahi
munh moḌ ke vo ham se chala to gaya magar
is ko bhi umr bhar ḳhalish-e-lucknow rahi
‘vali’! tumhen navaz raha hai vo har tarah
tum ko bhi us ki fikr va-lekin kabhu rahi
Leave a Reply