kuchh din hava-e-be-sar-o-saman ke saath bhi
sanson ka karvan liye tufan ke saath bhi
ara.ish-e-visal pe kyon itna shaad hua
ye jhuuT to hai shorish-e-hijran ke saath bhi
dil hai to dil ke saath hain sab karobar-e-dard
ji hi to lenge hasrat-e-viran ke saath bhi
ham vo musafiran-e-azal hain ki har ghaḌi
dariya ke saath bhi hain bayaban ke saath bhi
kuchh duur chal ke lauT ke aane ki zid pe hai
dil karvan-e-ahal-e-baharan ke saath bhi
Leave a Reply