allama-iqbal

Kho Na Ja Is Sahar O Sham Mein Ai Sahib-E-Hosh

kho na ja is sahar o shaam men ai sahib-e-hosh

ik jahan aur bhi hai jis men na farda hai na dosh

kis ko malum hai hangama-e-farda ka maqam

masjid o maktab o mai-khana hain muddat se khamosh

main ne paaya hai ise ashk-e-sahar-gahi men

jis dur-e-nab se khali hai sadaf ki aghosh

nai tahzib takalluf ke siva kuchh bhi nahin

chehra raushan ho to kya hajat-e-gulguna farosh

sahib-e-saz ko lazim hai ki ghafil na rahe

gaahe gaahe ghalat-ahang bhi hota hai sarosh

More Poems

Leave a Comment