kuchh der to duniya mire pahlu men khaḌi thi
phir tiir bani aur kaleje men gaḌi thi
a.ankhon ki fasilon se lahu phuuT raha tha
ḳhvabon ke jazire men koi laash paḌi thi
sab rang nikal aa.e the tasvir se bahar
tasvir vahi jo mire chehre pe juḌi thi
main chand hatheli pe liye jhuum raha tha
aur TuTte taron ki har ik samt jhaḌi thi
alfaz kisi saa.e men dam lene lage the
avaz ke sahra men abhi dhuup kaḌi thi
phir main ne use pyaar kiya dil men utara
vo shakl jo kamre men zamane se paḌi thi
har shaḳhs ke hathon men tha ḳhud us ka gareban
ik aag thi sanson men aziyyat ki ghaḌi thi
Leave a Reply