Rais Amrohvi
ku-e-janan mujh se hargiz itni begana na ho
ain mumkin hai ki phir teri taraf aana na ho
ain mumkin hai ki dohra.un hadis-e-digaran
aaj jo meri zaban par hai vo afsana na ho
ain mumkin hai ki ja pahunchun kisi mirriḳh par
is zamin se koi rishta koi yarana na ho
pir-e-mai-ḳhana ye mumkin hai ki mera ja-nashin
rind ho par vaqif-e-adab-e-mai-ḳhana na ho
tu mujhe farzangi ka fan na sikhla ai ḳhirad
ain mumkin hai ki mujh sa koi divana na ho
ain mumkin hai ki main tujh se bichhaḌ jaane ke ba.ad
aisa ban ja.un ki ḳhud teri jise parva na ho
ain mumkin hai ki teri be-ruḳhi ko dekh kar
main vo kafir huun jo mas.hur-e-ruḳh-e-zeba na ho
soch mat ai dost tere ba.ad kya hoga ye soch
ya.ani mere ba.ad phir mujh sa koi paida na ho
phir na uTThe koi aarif meri vaz.a-e-ḳhas ka
aur mujh sa sha.ir-e-sarshar-o-hosh-afza na ho
ya.ani mere ba.ad koi mard-e-hikmat-afrin
manzar-e-hikmat pe aa.e aur farzana na ho
mujh ko tark-e-dosti ke is qadar ta.ane na de
main tira dushman nazar aane lagun aisa na ho
phir kahe deta kahe deta kahe deta huun main
ku-e-janan mujh se hargiz itni begana na ho
Leave a Reply