Daniyal Tareer
koi siva-e-badan hai na hai vara-e-badan
badan men guunj rahi hai abhi sada-e-badan
ajab hai shahr magar shahr se bhi log ajab
udhar maang rahe hain badan bara-e-badan
jahan ThiThurti tamanna ko aag tak na mile
vahan pe kaun Thaharta hai ai sara-e-badan
kahin chamakti hui ret bhi dikha.i na di
kahan gaya vo samundar sarab khaa.e badan
charagh ban ke chamakte hain roz shaam Dhale
hamare pahlu men so.e hue para.e badan
har ek raah men bikhre paḌe hain barg-e-nafas
yahan chali hai bahut din talak hava-e-badan
vo apni qaus-e-quzah le gaya to kya hoga
‘tarir’ ghaur-talab hai tiri faza-e-badan
Leave a Reply