koi saaya sa lipaT jaata hai dil se aa kar
khiḌkiyan kholni paḌti hain mujhe ghabra kar
be-samar peḌon ki ḳhvahish bhi ajab ḳhvahish hai
biij boti huun kahin aur se miTTi la kar
ḳhaak par phuul jo khilta hai to main sochti huun
koi ḳhush hota tha ik rang mujhe pahna kar
apne gahnon men kisi aur ka chehra dekha
zindagi mujh pe hansi mere hi ghar men aa kar
jaise duniya se bahut duur chali aa.i huun
mutma.in rahti huun ik jhuuT se ji bahla kar
Leave a Reply