Koi Sard Hawa Lab-E-Baam Chali

koi sard hava lab-e-bam chali

phir khvahish-e-be-anjam chali

kya khaak sukun se naav chale

jab mauj hi be-aram chali

vo baat jo saari umr ki thi

bas saath mire do gaam chali

ik harf-e-ghalat ko chhute hi

main misl-e-khayal-e-kham chali

ab raat se mil kar paltun kya

jab subh se main ta-sham chali

khud Dah gai vo divar magar

girte hue ghar ko thaam chali

Leave a Comment