Koi Rakhta Hi Nahin Phir Bhi Raha Karta Hai

koī rakhtā hī nahīñ phir bhī rahā kartā hai

ai mire dil tū bhalā hai so bhalā kartā hai

tum ne to aap hī pinjre ko khulā chhoḌ diyā

koī aise bhī parindoñ ko rihā kartā hai

us kī har baat bhulā denā zarūrat hai mirī

phir bhī jo dil hai use yaad sivā kartā hai

ab vo pahle se manāzir bhī nazar aa.eñ kyā

vo kinhī aur nigāhoñ se takā kartā hai

kyā kabhī tum ne kisī Thag se mohabbat kī hai

ek ‘tarkash’ hai jo dillī meñ huā kartā hai

Leave a Comment