Poet
koi nahin ki jise ashna-e-raz karen
to kyuun na phir gham-e-dil hi se saz-baz karen
bana ke un ko bhi ḳhugar niyaz-e-paiham ka
vo din bhi aa.e ki ham bhi buton se naaz karen
hisab ho chuka kotah-dastiyon ka to ab
ḳhayal-e-silsila-e-gesu-e-daraz karen
agar sharab men masti bhi hai ḳhumar bhi hai
to kyuun na arzu-e-chashm nim-baz karen
nazar men tundi-e-tishna-labi baḌha ai shauq
ki jis se har dil-e-mina ko phir gudaz karen
huzur-e-pir-e-mughan laghzishon ki pursish hai
lo aao apne bhi qadmon ko sarfaraz karen
safar shabab ka gar uzr tha to ab sar-e-sham
qaza-e-umr paḌhen niyyat-e-namaz karen
Leave a Reply