abdul-wahab-sukhan

Koi Mausam Bhi Hasb-e-Haal Nahin

koi mausam bhi hasb-e-hal nahin

phir bhi dil men koi malal nahin

ho gae zakhm is qadar manus

koi tadbir-e-indimal nahin

shikva-e-dil men raat biit gai

hijr se kam tira visal nahin

ab zara der ko thahar jaao

ab sitaron ki vaisi chaal nahin

laakh tamsilen istiare hon

phir bhi teri koi misal nahin

zabt hai didani sukhan mera

mire chehre pe ishtial nahin

More Poems

Leave a Comment