Poet
koi manzil bhi nahin hai koi rasta bhi nahin
aur sab mahv-e-safar hain koi rukta bhi nahin
har taraf be-rang si gahri udasi ka jamav
ek rangin ḳhvab jo nazron se haTta bhi nahin
kis tarah thame hue hain ḳhud ko us basti ke log
koi mutavazin nahin hai aur phisalta bhi nahin
ik musalsal si ye sa.i-e-ra.igan ye kavishen
ek patthar sa ye manzar jo pighalta bhi nahin
be-sabab si Tiis dil men mustaqil hoti hui
jazba-e-bebak jo dil men utarta bhi nahin
har taraf ye dhuup har-dam tez-tar hoti hui
mom ka ik shahr lekin jo pighalta bhi nahin
Leave a Reply