koi kis tarah tum se sar-bar ho
saḳht be-rahm ho sitamgar ho
uTh gaya ham se go mukaddar ho
ḳhush rahe vo jahan ho jidhar ho
tevri chaḌh rahi hai ye bhaun par
kya hai kyuun kis liye mukaddar ho
kya shitabi hi aise ja.ega
ḳhushk to ho araq abhi tar ho
jaan khaa.i hai naseho ne miri
samne in ke to Tuk aa kar ho
liije hazir hai chiiz kya hai dil
ghussa is vaste jo mujh par ho
yaad men us ki ghar se nikla huun
saḳht be-iḳhtiyar-o-muztar ho
us se ‘bedar’ baat to ma.alum
dekhna bhi kahin mayassar ho
Leave a Reply