Khurshid-Ru Ki Sohbat Jo Ab Nahin To Phir Kab

Poet

khurshid-ru ki sohbat jo ab nahin to phir kab

shabnam ki tarah qurbat jo ab nahin to phir kab

zarre ki tarah mujh par ik mahr ki nazar kar

dekhe vo mehr-e-talat jo ab nahin to phir kab

joda hai zaafrani us gul-badan ke bar men

khush ho miri tabiat jo ab nahin to phir kab

aluda-damani ko dhone ko muntazir huun

barish de abr-e-rahmat jo ab nahin to phir kab

is baagh men do-roza hai ishq-e-zindagani

gul ki tarah bashashat jo ab nahin to phir kab