koi kahani koi vaqi.a suna to sahi
agar hansa nahin sakta mujhe rula to sahi
kisi ke hijr ka chhalla kisi visal ki chhap
bichhaḌ ke mujh se tujhe kya mila dikha to sahi
kabhi bula to sahi apne astane par
mujhe bhi apna koi mo.ajaza dikha to sahi
main ḳhuud se chhup ke tujhe pyaar karne a.unga
tu ek baar mujhe bhuul kar bula to sahi
kise ḳhabar yahin tera shikar ho ‘javed’
tu chand tiir andhere men hi chala to sahi
Leave a Reply