Koi Ishq Mein Mujhse Afzun Na Nikla

koi ishq men mujh se afzun na nikla

kabhi samne ho ke majnun na nikla

bada shor sunte the pahlu men dil ka

jo chira to ik qatra-e-khun na nikla

baja kahte aae hain hech us ko shaer

kamar ka koi ham se mazmun na nikla

hua kaun sa roz-e-raushan na kaala

kab afsana-e-zulf-e-shabgun na nikla

pahunchta use misra-e-taza-o-tar

qad-e-yar sa sarv-e-mauzun na nikla

raha sal-ha-sal jangal men ‘atish’

mire samne bed-e-majnun na nikla

Leave a Comment