koi ho chehra shanasa dikha.i deta hai
har ik men ek hi mukhḌa dikha.i deta hai
usi shajar pe shafaq ka karam hai shayad aaj
vo ik shajar jo sunahra dikha.i deta hai
udhar vo dekho ki akash kitna dilkash hai
jahan vo dharti se milta dikha.i deta hai
dikha.en tum ko ghurub aftab ka manzar
yahan ufuq ka kinara dikha.i deta hai
vahi to hai jo miri justuju ki manzil hai
koi bhi shaḳhs jo mujh sa dikha.i deta hai
Leave a Reply