Koi Hindu Koi Muslim Koi Isai Hai

koī hindū koī muslim koī īsā.ī hai

sab ne insān na banñe kī qasam khaa.ī hai

itnī ḳhūñ-ḳhār na thiiñ pahle ibādat-gāheñ

ye aqīde haiñ ki insān kī tanhā.ī hai

tiin chauthā.ī se zaa.id haiñ jo ābādī meñ

un ke hī vāste har bhuuk hai mahñgā.ī hai

dekhe kab talak baaqī rahe saj-dhaj us kī

aaj jis chehra se tasvīr utarvā.ī hai

ab nazar aatā nahīñ kuchh bhī dukānoñ ke sivā

ab na bādal haiñ na chiḌiyāñ haiñ na purvā.ī hai

Leave a Comment