koi hindu koi muslim koi isa.i hai
sab ne insan na banne ki qasam khaa.i hai
itni ḳhun-ḳhar na thiin pahle ibadat-gahen
ye aqide hain ki insan ki tanha.i hai
tiin chautha.i se zaa.id hain jo abadi men
un ke hi vaste har bhuuk hai mahnga.i hai
dekhe kab talak baaqi rahe saj-dhaj us ki
aaj jis chehra se tasvir utarva.i hai
ab nazar aata nahin kuchh bhi dukanon ke siva
ab na badal hain na chiḌiyan hain na purva.i hai
Leave a Reply