ḳhaak hoti hui hasti se uTha
ishq ka bojh bhi miTTi se uTha
hijr tha bar-e-amanat ki tarah
so ye gham aḳhiri hichki se uTha
lau tire ba.ad baḌhi ashkon ki
sho.ala-e-ishq bhi paani se uTha
dil ne abad kiya ishq-abad
ḳhaak ho kar usi basti se uTha
dil usi dard ki zulfon ka asiir
haa.e vo dard jo pasli se uTha
ya mujhe qaid-e-anasir se nikal
ya miri ḳhaak ko pasti se uTha
aḳhiri vaqt men har ranj ka bojh
ḳham-shuda riiḌh ki haDDi se uTha
is se pahle ki mira naam aa jaa.e
mujhe is Dolti kashti se uTha
Leave a Reply