Abdussalam Asim
koi dua na koi charagar sambhalega
ki ab ye zakhm hi mera jigar sambhalega
vo aks jis se nahin koi aaina mahfuz
darun-e-ab vahi chashm-e-tar sambhalega
jo barqarar ba-nau-e-digar hai tuut ke bhi
vo silsila hi hamen umr bhar sambhalega
vo jis ki raah men gumrah ho gaya huun main
vahi khuda mira samt-e-safar sambhalega
khirad ba-nam-e-junun qad ki azmaish men
faraz-e-dar-o-rasan mera sar sambhalega
Leave a Reply