koi din hoga ki haare hue lauT a.enge ham
teri galiyon se ga.e bhi to kahan ja.enge ham
ansuon ka to takalluf hi kiya ankhon ne
ḳhuun ke ghunT se kya shauq na farma.enge ham
zindagi pahle hi jiine ki tarah kab ji hai
ab tire naam pe marne ki saza pa.enge ham
kab tak ai ahd-e-karam bandhne vaale kab tak
dil ko samjha.enge bahla.enge phuslange ham
aah se arsh-e-mualla ko na larza denge
tu samajhta hai qayamat hi faqat Dha.enge ham
laakh murtad sahi be-din nahin hain vaa.iz
but na.e hain to ḳhuda kya na naya la.enge ham
javedani ka tasavvur men bhi aaya na ḳhayal
ham samajhte the tire ishq men mar ja.enge ham
bas ab ai dil ki qasam khaa.i hai us zalim ne
jo taḌapta hai use aur bhi taḌpa.enge ham
duur tujh se to qaza bhi nahin le ja.egi
sar bhi aḳhir tiri divar se Takra.enge ham
bhulta hi nahin ham ko vo sitamgar ‘rahil’
ḳhaak use yaad na karne ki qasam kha.enge ham
Leave a Reply