Gulzar
koi atka hua hai pal shayad
vaqt men pad gaya hai bal shayad
lab pe aai miri ghazal shayad
vo akele hain aj-kal shayad
dil agar hai to dard bhi hoga
is ka koi nahin hai hal shayad
jante hain savab-e-rahm-o-karam
un se hota nahin amal shayad
aa rahi hai jo chaap qadmon ki
khil rahe hain kahin kanval shayad
raakh ko bhi kured kar dekho
abhi jalta ho koi pal shayad
chand duube to chand hi nikle
aap ke paas hoga hal shayad
Leave a Reply