Koi Achchhi KHabar Aati Nahin Hai

koī achchhī ḳhabar aatī nahīñ hai

shab-e-ġham kī sahar aatī nahīñ hai

vo mast-e-rāhat-e-ḳhvāb-e-sahar haiñ

jinheñ yād-e-safar aatī nahīñ hai

kahīñ par to yaqīnan hai ḳharābī

ba-zāhir jo nazar aatī nahīñ hai

maiñ sab kī ḳhair māñgūñ is yaqīñ se

duā to lauT kar aatī nahīñ hai

‘yashab’ ko dil se hijrat raas hai ab

kisī sūrat vo ghar aatī nahīñ hai

Leave a Comment