Ahmad Ameer Pasha
khamushi men hi la-javab na tha
muskurahat ka bhi hisab na tha
main use harf harf padhta gaya
vo agarche khuli kitab na tha
ek muddat se so rahe hain log
phir bhi ankhon men koi khvab na tha
jhiil men raat bhar tha kya raqsan
tera paikar to zer-e-ab na tha
marne valon ki thi jaza ki vaii.d
jiine valon ka ehtisab na tha
zarf ke imtihan men ab ki baar
ek bhi shakhs kamyab na tha
yuun to behad sakhi tha dil ka ‘amir’
vo magar sahab-e-nisab na tha
Leave a Reply