kitna bhi muskura.iye dil hai magar bujha bujha
giit rasile ga.iye dil hai magar bujha bujha
ashk nahin to kya hua aah nahin to kya hua
laakh sanvar ke aa.iye dil hai magar bujha bujha
ruḳh pe bahar ki phaban honTon pe maḳhmali suḳhan
muzhda-e-gul suna.iye dil hai magar bujha bujha
aap se ḳhud alag alag aap ki davat-e-tarab
ham se na kuchh chhupa.iye dil hai magar bujha bujha
jannat-e-naghma-o-ghazal mahfil-e-soz-o-saz-e-ishq
‘tahira’ kya bata.iye dil hai magar bujha bujha
Leave a Reply