kab se ham log is bhanvar men hain
apne ghar men hain ya safar men hain
yuun to uḌne ko asman hain bahut
ham hi ashob-e-bal-o-par men hain
zindagi ke tamam-tar raste
maut hi ke aziim Dar men hain
itne ḳhadshe nahin hain raston men
jis qadar ḳhvahish-e-safar men hain
siip aur jauhari ke sab rishte
sher aur sher ke hunar men hain
saya-e-rahat-e-shajar se nikal
kuchh uḌanen jo bal-o-par men hain
aks be-naqsh ho ga.e ‘amjad’
log phir a.inon ke Dar men hain
Leave a Reply