kisi udaas aankh ke asiir ho ga.e
baḌe gharib log the amiir ho ga.e
kisi ke dil ke taḳht pe birajman the
to kya kisi nazar men gir haqir ho ga.e
gadagari se uTh ke log shaah ban ga.e
jo shaah the palak jhapak faqir ho ga.e
ham aise jang-ju asir-e-ishq kya hue
mohabbaton men amn ke safir ho ga.e
vo ajnabi nigah dil ko taar kar ga.i
gurez-pa visal dil men tiir ho ga.e
bas ek nuqta kaise asman ho gaya
qalil ḳhvab kis tarah kasir ho ga.e
Leave a Reply