kisi tarik goshe men basar hogi hamari
mahal men tujh ko pal pal ki ḳhabar hogi hamari
ajab ik sehr hoga jaan deni bebasi men
farishton ki tasalli charagar hogi hamari
shuaon ki savari nuur ki raftar hogi
magar ik ḳhak-zadi ham-safar hogi hamari
jahanon ke safar hain aur sitaron se sanad hai
ghazal men har rivayat mo’atabar hogi hamari
chhupe honge zamin-ta-asman us men tilismat
ba-zahir go hikayat muḳhtasar hogi hamari
Leave a Reply