Kisi Tarik Goshe Mein Basar Hogi Hamari

kisī tārīk goshe meñ basar hogī hamārī

mahal meñ tujh ko pal pal kī ḳhabar hogī hamārī

ajab ik sehr hogā jaan denī bebasī meñ

farishtoñ kī tasallī chāragar hogī hamārī

shuāoñ kī savārī nuur kī raftār hogī

magar ik ḳhāk-zādī ham-safar hogī hamārī

jahānoñ ke safar haiñ aur sitāroñ se sanad hai

ġhazal meñ har rivāyat mo’atabar hogī hamārī

chhupe hoñge zamīñ-tā-āsmāñ us meñ tilismāt

ba-zāhir go hikāyat muḳhtasar hogī hamārī

Leave a Comment