kisi taraf na girah ka sira dikha.i de
na koi naḳhun-e-uqda-kusha dikha.i de
yahi tilism to aivan-e-eqtidar men hai
ki ḳhud ko banda-e-ajiz ḳhuda dikha.i de
tamam-shahr ne chehre badal liye shayad
taras ga.e hain koi ashna dikha.i de
masham-e-jan tiri ḳhushbu se is qadar manus
mahak badan ki ba-dosh-e-saba dikha.i de
zamin ka chand mira ka.enat men yakta
agar hai us sa koi dusra dikha.i de
Leave a Reply