kisi surat se us mahfil men ja kar
muqaddar ham bhi dekhen aazma kar
taghaful-kesh main ne hi banaya
use hal-e-dil-e-shaida suna kar
uTha lene se to dil ke raha main
tu ab zalim vafa kar ya jafa kar
tire gulshan men pahunche kaash ik din
nasim-e-ashna.i raah pa kar
ḳhushi un ko mubarak ho ilahi
vo ḳhush hain ḳhaak men mujh ko mila kar
dahan hai rashk se ghunche ka pur-ḳhun
kidhar dekha tha tum ne muskura kar
vo sharmate hain sun kar vasl ka naam
raha huun main jo chup to baat pa kar
hua vo bevafa.i men musallam
nishan-e-turbat-e-ashiq miTa kar
gunah apne mujhe yaad aa.e ‘vahshat’
ḳhajil sa rah gaya main haath uTha kar
Leave a Reply