Shiv Om Misra Anvar
ghazal men dasht ki ḳhali baḌa.i hoti hai
samundaron ki abhi tak bura.i hoti hai
tumhare shahr men bas is liye nahin aata
tumhare shahr men to ḳhud-numa.i hoti hai
bahut uThati hai nuqsan raushni yaron
agar diyon ki hava se laḌa.i hoti hai
jahan pe baiThte uThte hain chaar chhe sha.ir
vahan pe ḳhuub laga.i bujha.i hoti hai
ye kar-zar-e-mohabbat hai aur yahan ‘anvar’
suni-suna.i nahin azma.i hoti hai
Leave a Reply