kisi se jab na uTha to uTha bar-e-garan ham se
mila sakte nahin ab aankh saton asman ham se
hansa kar ek do din umr bhar aḳhir rulata hai
ajab aTkheliyan karta hai daur-e-asman ham se
hamara jab ye hona bhi na hone ke barabar hai
tu aḳhir kyon ḳhafa baiThi hai marg-e-na-gahan ham se
abhi pesh-e-nazar ta.amir-e-farda ki hain tajvizen
hazaron gaam baazi le ga.i umr-e-ravan ham se
afakallah ai daur-e-falak ham muntazir hi the
ki kab ankhen churate hain hamare mehrban ham se
hai jab dushvar ik lahore hi ko chhoḌna ‘sa.ib’
to phir is haal men chhuTega kya hindostan ham se
Leave a Reply