mere naale par nahin tujh ko taghaful ke siva
gul nahin sunta kisi ka shor-e-bulbul ke siva
tum jo kuchh chaho karo jaur-o-itab-o-ḳhashm-o-naz
kuchh nahin banta hai ashiq se tahammul ke siva
jo suḳhan-ras ashna hain zulf-o-kakul ke tiri
un ko mazmun bhi nahin milta hai sumbul ke siva
kis tarah mujh se juda.i tujh ko aati hai pasand
qafiya gul ka nahin Thahre hai bulbul ke siva
vaste muusa ke surma tuur ka hai ai ‘raza’
main na duun ankhon men ḳhak-e-pa-e-duldul ke siva
Leave a Reply