Kisi Ne Haal Jo Puchha Kabhi Mohabbat Se

kisī ne haal jo pūchhā kabhī mohabbat se

lipaT ke royā bahut der us se shiddat se

hamārā saath jo chhūTā to is meñ hairat kyā

hamāre haath to chhūTe hue the muddat se

ye aur baat ki bīnā.ī jā chukī merī

tumhāre ḳhvāb rakhe haiñ magar hifāzat se

jab us ne bhiiḌ meñ mujh ko gale lagāyā thā

har ek aañkh mujhe tak rahī thī hairat se

ye kārobār-e-siyāsat bahut hī achchhā hai

bas aap jhuuT ko becho baḌī sadāqat se

Leave a Comment