Yasir Khan
kisi ne haal jo puchha kabhi mohabbat se
lipaT ke roya bahut der us se shiddat se
hamara saath jo chhuTa to is men hairat kya
hamare haath to chhuTe hue the muddat se
ye aur baat ki bina.i ja chuki meri
tumhare ḳhvab rakhe hain magar hifazat se
jab us ne bhiiḌ men mujh ko gale lagaya tha
har ek aankh mujhe tak rahi thi hairat se
ye karobar-e-siyasat bahut hi achchha hai
bas aap jhuuT ko becho baḌi sadaqat se
Leave a Reply