aftab-hussain

Kisi Nazar Ne Mujhe Jam Par Lagaya Hua Hai

kisi nazar ne mujhe jaam par lagaya hua hai

so karta rahta huun jis kaam par lagaya hua hai

ghalat pade na kahin pahla hi qadam ye hamara

ki ham ne aankh ko anjam par lagaya hua hai

tamam shahr musharif-ba-kufr ho ke rahega

ye jis qimash ke islam par lagaya hua hai

laga rakhe hain hazaron hi apne kaam par us ne

hamen bhi koshish-e-nakam par lagaya hua hai

pilata rahta huun din-rat apni aankh se paani

shajar ye dil men tire naam par lagaya hua hai

vo aur honge jo aram se guzar rahe hain

hamen to us ne kahin laam par lagaya hua hai

More Poems

Leave a Comment