kisi ko dekhte kyuun aah rote
jo bas chalta to ham paida na hote
vo ashk ai dard-e-dil ankhon men hote
jo dagh-e-ma.asiyat daman se dhote
sahar hone ko aa.i rote rote
kahin vo astan milta to sote
jhuki jaati hain ankhen bar-e-gham se
kisi aghosh men sar rakh ke sote
nazar dekha kiye un ki hamesha
yahi hasrat rahi ham jaan khote
‘jigar’ ham hain to ḳhaliq bhi hai koi
na hota kuchh agar ham hi na hote
Leave a Reply