kisi ka jism hua jan-o-dil kisi ke hue
hazar TukḌe miri ek zindagi ke hue
badal saka na koi apni qismaton ka nizam
jo tu ne chaha vahi haal zindagi ke hue
jo saare shahr ke patthar liye tha daman men
tamam shishe taraf-dar bas usi ke hue
badalte vaqt ne taqsim kar diya mujh ko
the mere ḳhvab jo tere vahi kisi ke hue
tamam umr rahi hai muḳhalifat jis se
‘ra.is’ ham bhi taraf-dar phir usi ke hue
Leave a Reply