asir-e-bazm huun ḳhalvat ki justuju men huun
main apne aap se milne ki aarzu men huun
miri sarisht men rang-e-bahar hai lekin
bahut dinon se kisi bagh-e-be-numu men huun
to mujh ko bhuul gaya hai magar mire mutrib
main dard ban ke tire naghma-e-gulu men huun
ḳhizan-rasida kisi naḳhl-e-nim-jan ke tale
mujhe bhi dekh usi sham-e-zard-ru men huun
bhaTakta rahta huun sham-o-sahar nahin ma.alum
main kisi talash men huun kis ki justuju men huun
vo jis ke tarz-e-masiha.i par hai shahr nisar
usi ki tegh se Duuba hua lahu men huun
main ek atish-e-ḳhvab-afrida ki surat
kabhi charagh ki lau men kabhi subu men huun
tu mere lafzon se bahar mujhe talash na kar
chhupa hua main kahin apni guftugu men huun
pukarta huun madad ko koi nahin aata
sitam ki shaam hai aur nargha-e-adu men huun
Leave a Reply