Ali Qaisar
kisi charagh ki ḳhvahish na justuju mujh ko
main ḳhud men jalta rahun ye hai aarzu mujh ko
ye apna aap sameTa hai main ne mushkil se
bikhar na ja.un kahin is tarah na chhu mujh ko
kisi ko fikr nahin thi mere siva teri
vagar na bhuul na jaati kabhi ki tu mujh ko
salib-o-nok-e-sinan shok ḳhud-sari hai mira
Dara raha hai inhin se mira adu mujh ko
diya tha izn-e-takallum jise kabhi main ne
sikha raha hai vo andaz-e-guftugu mujh ko
Leave a Reply