kisi bhi haal men ye haq-kushi gavara nahin
lahuluhan hamen zindagi gavara nahin
vajud ke liye laḌte rahenge aḳhir tak
salib par bhi hamen ḳhamushi gavara nahin
unhin ke naam andhere falak se aate hain
jinhen hamari kabhi raushni gavara nahin
ḳhuda ka avval-o-aḳhir hai haq ibadat par
zamin vaale tiri bandagi gavara nahin
har ek zulm ki khul kar muḳhalifat ki hai
hamen ye aa.ini tarmim bhi gavara nahin
hamen bhi pas-e-adalat hai avvalin lekin
ye ruḳh badalti hui munsifi gavara nahin
sun ai zamir tire saath hai ‘taraz’ ab tak
tu bik gaya to tiri be-hisi gavara nahin
Leave a Reply