Saud Usmani
ajab ḳhajalat-e-jan hai nazar tak aa.i hui
ki jaise zaḳhm ki taqrib-e-ru-numa.i hui
nazar to apne manazir ke ramz janti hai
ki aankh kah nahin sakti suni-suna.i hui
barun-e-ḳhak faqat chand Thekre hain magar
yahan se shahr milenge agar khuda.i hui
ḳhabar nahin hai ki tu bhi vahan mile na mile
agar kabhi mire dil tak miri rasa.i hui
main andhiyon ke muqabil khaḌa hua huun ‘sa.ud’
paḌi hai fasl-e-mohabbat kaTi-kaTa.i hui
Leave a Reply